林錦雄：三獅贏季軍

    今屆世界盃已近尾聲，兩支四強輸家球隊今晚先上演季軍戰。英格蘭與法國勢均力敵，工聯體委會主任林錦雄坦言基於情意結，期望英格蘭食尾餬，可以贏番個季軍作安慰。

    英格蘭在四強先開紀錄下，被衛冕的阿根廷反勝，唔少球迷都咬牙切齒非常失望，林錦雄亦是其中之一，認為英格蘭本應有機會爭冠軍，而非踢季軍戰：“港澳地區都習慣睇英超，始終對英格蘭有一點情意結。佢哋四強時如果在領先後，繼續保持一定的進攻，相信是有機會爭冠軍。”

    今晚英法爭奪季軍，他相信兩隊會合演精彩一戰：“四強結果已定，法國被西班牙擊倒後，亦希望反彈；英格蘭亦會想贏，所以估計今場會有較多對攻、攻守博奕的畫面。當然，希望三獅唔好重蹈覆轍，入波後又全面退守，即使無法贏冠軍，亦希望奪得第三名而回，為球迷奉獻一場精彩的賽事。”